«Ақмола облысының сүт кластерін кадрлық қамтамасыз ету стратегиясы» жұмыс кеңесі

2025 жылдың 4 қарашасында «Атамекен» Ақмола облысы Кәсіпкерлер палатасы  алаңында «Ақмола облысының сүт кластерін кадрлық қамтамасыз ету стратегиясы» дөңгелек үстелі өтті.

Іс-шараға Ақмола облысы Білім басқармасы, Ақмола облысы Ауыл шаруашылығы және жер қатынастары басқармасы, Ақмола облысы Кәсіпкерлік және өнеркәсіп басқармасы, Ақмола облысы білім басқармасының техникалық және кәсіптік білім беруді дамыту орталығы, Ветеринария және биотехнология Жоғары колледжі, Республикалық сүт және аралас бағыттағы ірі қара мал тұқымдары палатасы, сондай-ақ АӨК пен тамақ өнеркәсібі комитетінің мүшелері қатысты.

Білім басқармасының ТЖКБ бөлімінің басшысы Нуралин Нажмиден Муратович; Ақмола облысы Кәсіпкерлер палатасы директорының орынбасары Хаметова Гүлден Темірғалиевна, «Talap» КеАҚ вице-президенті Биекова Бакытжан Умитбековна қатысушыларға алғы сөз сөйледі.

Іс-шара барысында:

• Сералина Сауле Салимжановна, Ақмола облысы білім басқармасының техникалық және кәсіптік білім беруді дамыту орталығы басшысының міндетін атқарушы  — білім беру ұйымдарының сүт саласы кәсіпорындарымен ынтымақтастығы және сүт кластері үшін мамандар дайындау туралы;
• Альмагамбетова Анар Еркеновна, ТжКБ ӘжМБ бас менеджері, Жансеитова Айнұр Сансызбаевна, Ветеринария және биотехнология Жоғары колледжінің директоры (Қатаркөл ауылы), және Бекова Фариза Нұритдиновна, оқу ісі жөніндегі орынбасар — колледждің қызметі, республикалық оқу-әдістемелік бірлестіктің (РУМО) құрылуы және «Сүт өндірісі және сүт өнімдері» мамандығы бойынша оқу бағдарламасының мазмұны (дуалды жүйе бойынша) туралы сөз сөйледі.

Талқылау барысында қатысушылар білім беру бағдарламаларын жетілдіру және сүт саласы мамандарының біліктілігін арттыру мәселелері бойынша пікір алмасты.

Дөңгелек үстелдің қорытындылары:

• сүт өндірісі саласындағы оқу бағдарламаларын сараптау үшін жұмыс тобының құрылуына шешім қабылданды;
• колледждер мен аймақ кәсіпорындары арасындағы өзара іс-қимыл бағыттары анықталды;
• Ветеринария және биотехнология жоғары колледжі, «Гормолзавод» ЖШС және «Milk Project» ЖШС арасында ынтымақтастық туралы меморандумдарға қол қойылды.

Келісімдер студенттердің өндірістік практикадан өтуі, мамандарды даярлау және дуалды жүйені енгізу бойынша бірлескен жұмыс негізін қалыптастырады.

«Атамекен» Кәсіпкерлер палатасы алаңында дөңгелек үстел өткізу бизнес-қоғамдастықтың техникалық және кәсіптік білім жүйесін дамытуға және өңірдің кадрлық әлеуетін нығайтуға қатысуының маңызды екенін көрсетті.